MAULID KANGJENG NABI MUHAMMAD SAW.
Ku:
.
Pasantren “Miftahul Huda”
TARJAMAH
BASA SUNDA
AL-BARZANJI
IFTITAH
الØمد
لله رب العالمين ,والصلاة
والسلام علىسيدنا Ù…Øمد سيد المرسلين وعلى أله وصØبه أجمعين.
Tulisan
sejarah Nabi Muhammad saw, seueur pisan, tapi anu pang awetna janten bacaan
masyarakat, utamina dina acara-acara sapertos muludan, rajaban, salametan orok
sareng sajabina, malih sanes wungkul di Indonesia, tapi di manca nagara oge,
Nya ieu pisan anu disebat Al-barzanji,pedah nu
nyusun na urang Barzanji, nyaeta Syekh Ja’far bin Hasan bin Abdil Karim
bin Muhammad Al-Madani, lemburna di Barzanji, hiji kampung di Irak.
Ieu
Kitab teh di syarahan ku Syekh Muhammad Nawawi Al-bantany (urang Banten).
jenengan Kitabna “Madarij As-Shu’ud”.
Kitab
Al-Barzanji terkenal ku basana anu endah, raos dibacana, bari teu aya bandingna
dina ka balaghohanana.
Ari sim
kuring lalawora pisan sareng kumawantun narjamahkeun ieu kitab, bakat ku hoyong
ngaraosan karinduan ku Kangjeng Rosul, jiga para Ulama nu ti parayun. Mudah-mudahan
jadi landong tina rindu ku istri-istri nu jadi papaes dunya.
Sajabi ti kitu, kadorong ongkoh ku
rerencangan sareng ku para santri anu nyaruhunkeun tarjamah ieu kitab, pedah
sering aya acara-acara anu ieu kitab dibacakeun, tapi katingalna mustami’in
seueur anu ngembang kadu, pedah teu terang kana hartosna.
Utamina mah supados ieu kitab langkung
manfa’at, kahartos ku sadayana, langkung resep macana, langkung mahabbah ka
Kangjeng Rosulna.
Kalepatan
sareng kakirangan dina ieu tarjamah, tangtos seueur pisan, mung sim kuring
hoyong diwartosan kirangna sareng lepatna, supados tiasa di dangdosan deui. Oge
aya sababaraha kalimah anu dilelempeng pihartoseunana, margi runtuyan basa arab
sareng basa sunda mah tebih pisan, malih aya nu di raeh supados langkung raos
dibacana.
Ka sadaya pihak nu parantos ngarojong
sareng ngadorong dugi ka terbitna ieu buku, sim kuring ngahaturkeun rebu-rebu
nuhun, Jazakumulloh Ahsanal Jazaa.
Miftahul Huda,
Akhir Sya’ban
1424 H.
Anu nyusun
الجنة
ونعيمها سعد لمن يصلي ويسلم ويبارك عليه
Surga
jeung kani’matannana jadi kabagjaan pikeun anu maca sholawat sareng salam oge
maca berkah ka Kangjeng Nabi Muhammad saw.
Kalayan
nyebat jenengan Alloh anu Maha Asih anu Maha Heman
==========================
(1)___________________________
Kuring ngamimitian
nyerat ieu Kitab kalayan nyuhunkeun pitulung ka Dzat anu Maha Luhur, tur
miharep tambih-tambih barokah kana perkara anu di pasihkeun ku Alloh.
Kuring muji kalayan pujian anu
hampang kana letahna jeung teu cape, bari pasti make pujian anu hade.
Kuring
ngahaturkeun salam jeung rohmat ka Kangjeng Nabi saw, anu cahayana di ciptakeun
memeh sakabeh makhluk.
Mantenna
dialihkeun tina salira-salira anu mulya.
Kuring nyuhunkeun ka Alloh mugi mika ridlo ka
kulawargina, anu bersih suci, oge walatra ka para shohabat sareng para pengikutna anu mika
cinta ka Anjeunna.
Kuring
nyuhunkeun saena hidayah gusti pikeun nempuh jalan anu jelas, sareng nyuhunkeun
di riksa tina kasasaran, cicing dina tempat-tempat anu salah.
Kuring
ngajelaskeun kisah ti kawit lahir Kangjeng Nabi saw, kalayan dibungkus ku
carita-carita anu hade, nyusun turunan
anu marulya, jiga kongkorong anu bisa mapaesan ceuli anu ngarupingkeun
sifat-sifat Kang-jeng Nabi saw.
Kuring
nyuhunkeun kana daya upaya ti Alloh anu kuat, margi teu aya daya upaya pikeun
nebihan ma’siat sareng teu aya kakuatan pikeun ngalaksanakeun to’at anging ku
pitulung Alloh Ta’ala.
-----------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(2)___________________________
Teras
kuring sumanggem: Ari Mantenna teh nyaeta Kangjeng Nabi Muhammmad saw, putra
Abdulloh, putra Abdul Mutholib anu jenengan aslina Syaibatul Hamdi, putra
Hasyim, aslina Amru, putra Abdi Manaf, aslina Mughiroh, putra Qushoy, aslina
Mujammi, dijene-nganan Qushoy sabab anjeuna linggih di Bani Qudlo’ah di Yaman,
tebih ti keluarga, tapi ku Alloh di mulihkeun deui ka tanah haram Mekah anu
dijaga ku Alloh. Qushoy teh putra Kilab, anu aslina Hakim, putra Murroh, putra
Ka’ab, putra Lu’ay, putra Ghalib, putra Fihir, anu aslina Quraisy. Nya ti Fihir
pisan ayana golongan Quraisy, ari anu luhureunnana mah disebut Bani Kinanah.
Kitu saur seuseueurna ahli sejarah.
Fihir
putra Malik, putra Nadlor, putra Kinanah, putra Khuzaimah, putra Mudrikah,
putra Ilyas, anjeunna anu ngawitan Qurban atanapi hadiah meuncit onta di Tanah Haram. Sareng
dina dada Ilyas kakuping sora Kangjeng Nabi saw, dzikir ka Alloh sareng maca
Talbiyyah haji.
Ilyas
putra Mudlor, putra Nizar, putra Ma’ad, putra ‘Adnan.
Ari
ieu runtuyan teh disusun ku panangan-panangan Ahli Hadits anu sarae.
Kadituna
mah dugi ka Nabi Ibrohim, tapi Kangjeng Nabi saw, teu masihan katerangan anu
rinci deui.
Ari
Adnan teh eta teu diragukeun deui numutkeun ahli sejarah, eta teh turunan Nabi
Isma’il as.
Maka
agung pisan runtuyan turunan Kangjeng Nabi saw. anu ting buricak jiga bentang
lir mutiara anu kacaangan.
Bade
teu kitu kumaha, atuda dina eta runtuyan teh aya dunungan anu pang mulyana
nyaeta Kangjeng Nabi Muhammad saw., jalmi anu pang saena tur pilihan.
#
Nadhom:
“Rundayan
nu anjeun nyangka hade pisan * ting buricak jiga bentang JAUZA U”.
“Sae
pisan rundayan jalmi marulya * Gusti Nabi sae taya bandinganna”.
Mulya
pisan turunan anu disucikeun ku Alloh, tina Nikah Sifah Jahilliyah (nikah anu
teu make ajaran Islam).
Ieu
teh diriwayatkeun ku Syekh Zaenudin urang Irak, anu di carioskeun dina hadits
anu panjang .
# Nadhom:
“Ngariksa
Alloh kamulyaan Nabi Muhammad * Ramana di mulyakeun dugi ka Eyangna”.
“Tara
narikah Sifah anu nimbulkeun aeb * ti kawit Nabi Adam dugi Ibu Ramana”.
Kamulyaan
cahaya nabi teras mapay dina taar-taar karuhunna anu marulya. Katawis cahayana
Kangjeng Nabi dina ta’ar Abdul Mutholib sareng putrana Sayid Abdulloh.
--------------------------------------------
“Mugi gusti nyeungitan kana kuburan Kangjeng Nabi
saw, ku seuseungitan rohmat sareng salam”.
==========================
(3)____________________________
Dina
waktos Alloh ngamaksud ngadohirkeun hakekatna Kangjeng Nabi saw, anu dipuji,
oge ngadohirkeun jasadna sareng ruhna kalawan bentuk badanna oge sifat-sifatna.
Alloh
ngalihkeun Nur Kangjeng Nabi saw, ti Sayyid Abdulloh kana patuangan Siti Aminah
putri Zahroh.
Alloh
ngakhususkeun ka Siti Aminah janten jalmi kadeuheus sareng nu di ijabah du’ana,
supados janten ibu kanggo Kangjeng Nabi saw. anu dipilih.
Ahli
langit sareng ahli bumi sadayana dipasihan wartos yen Siti Aminah parantos
hamil, ngandung cahaya Kangjeng Nabi saw.
Sadayana
pada rindu ngantosan beritana Kangjeng Nabi saw.
Bumi
anu garing oge, ngadadak janten subur pinuh ku tatangkalan jiga dipapaesan ku
sutra.
Bubuahan
arasak tur babari dialana. Saban sasatoan nyarioskeun kana dikandungna Kangjeng
Nabi saw. kalawan barisa ngomong ku basa Arab anu fasih.
Raja-raja
sareng tapekong-tapekong ngajarungkel ti sungkruk bari parireu teu bisa
ngomong.
Sadaya
sato di kulon, di wetan, di darat sareng dilaut barungaheun.
Sadayana
makhluk ngarasakeun kabingah dugika jiga nu mabok.
Sakabeh
jin oge barungaheun ku lahirna Kangjeng
Nabi saw.
Para
dukun jadi cambal, Para Pendeta jadi sarieuneun.
Sadaya
para ahli pada nyarioskeun kana piayaeun Kangjeng Nabi saw
malihan
bakat ku saena berita jadi baringung.
Ka
ibuna Kangjeng Nabi saw, aya anu sumping ngawartosan yen “Anjeun nuju hamil,
ngandung dunungan sakabeh alam, nu pangsaena makhluk”. “Sareng anjeun kudu mere
ngaran dimana tos ngalahirkeun ku jenengan MUHAMMAD SAW, margi bakal jadi jalmi
anu dipuji-puji”.
---------------------------------------------
“Mugi gusti nyeungitan kana kuburan Kangjeng Nabi ku
seuseungitan rohmat sareng salam”.
==========================
(4)___________________________
Dina
waktos kandunganana dua sasih numutkeun masyhurna kaol nu ngariwayatkeun :
Ramana, nyaeta Sayyid Abdulloh pupus di Madinah Al-Munawwaroh, anjeuna mulih
ngalayad pamanna ti Bani ‘Ady, nu mangrupikeun kabilah pedagang.
Sayid
Abdulloh calik di bani ‘Ady salami dua sasih, anjeuna ngaraos cape tina teu
damangna, lajeng ngantunkeun.
Numutkeun
kaol nu kiat, dina waktos hamilna salapan sasih, caket kana waktos lahirna. Ka Ibuna
sarumping Siti Aisyah, Siti Maryam, oge istri-istri ahli surga anu bararesih .
Teras
Siti Aminah karaos patuangan, maka teras ngalahirkeun Kangjeng Nabi saw, anu
sakurilingna pinuh ku sinar-sinar cahya nu nyaangan ka sakuliah jagat.
(Dugi
kadieu sok ngaradeg heula,
maca Asyaroqol)
Rarayna
lir panonpoe nyaangan poekna peuting.
Wengian
lahirna Kangjeng Nabi saw, anu pikabungaheun sareng kabanggaan kanggo agama
Islam.
Dinten
ieu Siti Aminah putri Wahab kenging kahormatan anu moal tiasa ka dugi ku istri
saha-saha oge.
Anjeuna
kenging kautamaan anu langkung ti batan Siti Maryam anu teu kantos nikah.
Lahirna
Kangjeng Nabi Muhammad saw, jadi karuksakan jeung kacila-kaan pikeun kahirupan
jalma-jalma kafir.
Para
Jin ting harewos ngawartos keun lahirna Kangjeng Nabi Al-Mustofa anu
pikabungaheun.
Aranjeun
kedah terang yen sae pisan urang sadaya narangtung, dimana dibacakeun kisah
lahirna Kangjeng Nabi saw, anu mulya. Kitu numut- keun para Imam ahli riwayat.
----------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(5)____________________________
Kangjeng
Nabi saw lahir, anjeuna meberkeun pananganna ka bumi, bari tanggah mastakana ka
langit, anu nandakeun kana bakal janten jalmi anu diluhurkeun martabatna oge
nandakeun kana agungna, saluhureun mahluk kabeh.
Anjeuna
anu di piasih, anu sae budi pekertina sareng tabe’atna.
Ibuna
nyauran ka Abdul Mutolib anu nuju towaf di Ka’bah. Teras Abdul Mutolib
rurusuhan ningal Kangjeng Nabi Muhammad saw, bari bingah amarwatasuta.
Lajeng
Kangjeng Nabi dicandak ka Ka’bah anu mulya, anjeuna ngadu’a didinya kalayan
niat anu ikhlash. Anjeuna syukuran ka Alloh tina sagala rupi nugraha anu
katampi.
Kangjeng
Nabi saw, di lahirkeun bari tos beresih kenging nyepitan, socana jiga kenging
nyipatan.
Saur
sapalih mah dikhitan ku eyang-na dina yuswa tujuh taun.
Abdul Mutolib teras ngayakeun
walimah, ngadamel tuangeun, bari masihan jenengan jabang bayi “Muhammad”, bari
anjeuna banget ngamulyakeun pisan ka putuna.
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(6)___________________________
Dina
waktos lahirna Kangjeng Nabi saw, katingal kajadian-kajadian anu aneh, anu
janten ciciren kana kanabianana, sareng
masihan terang kana yen anjeuna teh bakal jadi jalmi pilihan Alloh.
Di
Langit ditambihan penjagana, malah ditolak sadaya Jin jeung syetan-syetan anu
tukang ngintip, malah bentang-bentang maledogan kanu harayang naek ka langit
dina peuting eta.
Bentang-bentang
ngadareukeutan ka Kangjeng Nabi saw,
bari nyaangan, sahingga lelegok jeung mumuntuk di tanah haram kacaangan
sadayana.
Oge
harita kaluar cahaya anu sumirat dugi ka nyaangan gedong-gedong di nagri Syam,
oge jalmi-jalmi urang Mekah tiasa ningal bumi-bumina anu kacaangan.
Istana
Raja Kisro di kota Bagdad bareulah. Anu di dirikeun ku Anusyarwan sakitu
luhurna teh rata jeung taneuh. 14 gedong kahormatan oge runtuh, karajaan Kisro jadi ancur, lantaran Rajana oge ngarasa
kaget ku kajadian eta.
Seuneu
sesembahan Raja Farsi oge pareum, ku sumpingna sareng ku caang rarayna Kangjeng
Nabi saw.
Selat
di daerah Sawat antara kota Hamadan sareng kota Qum oge beulah, caina saat,
garing ti sumberna keneh.
Tapi
ari lembah Samawat anu tadina garing mangrupa padang pasir, jadi caah seueur
cai-an, Padahal tadina mah teu aya tamba halabhab-halabhab acan.
Lahirna
Kangjeng Nabi saw, di tempat anu tos
terkenal nyaeta kota Mekah, kota anu teu
meunang di ganggu tatangkalannana jeung jujukkutannana.
Taun
lahirna Kangjeng Nabi saw, dina bulanna jeung poena, di ikhtilafkeun ku para
Ulama ahli riwayat.
Tapi
numutkeun kaol anu soheh mah, lahirna Kangjeng Nabi saw teh, dina memeh fajar
dinten senen, tanggal 12 Robi’ul awwal Taun Gajah, anu dina eta taun Alloh
ngajaga karuksakan tanah haram.
---------------------------------------------
“Mugi gusti nyeungitan kana kuburan
Kangjeng Nabi saw. ku seuseungitan rohmat sareng salam”.
==========================
(7)___________________________
Kangjeng
Nabi saw, di rorok ku Ibuna sababaraha dinten, teras dirorok ku siti Suwaibah
Al-Aslamiyyah, anu anjeuna teh di perdekakeun ku Abu lahab, dina waktos
ngawartosan ka Abu lahab, yen putra Abdulloh tos dilahirkeun, bari pinuh ku
kabungah.
Siti
Suwaibah ngarorok Kangjeng Nabi saw, sareng putrana nu ngaran Masruh jeung Abi
salamah, tur anjeuna banget nyaah ka Kangjeng Nabi saw.
Siti
Suwaibah teh pernah ngarorok Sayid
Hamzah paman Kangjeng Nabi saw, anu jadi pembela Islam dina sagala rupi
padamelannana.
Kangjeng
Nabi saw, nuju di Madinah osok ngintunan ka Siti Suwaibah di Mekah mangrupi
biaya-biaya, anggoan-anggoan anu parantes kanggo anjeuna, kituna teh dugi ka
pupusna.
Ngan
saur sapalih Ulama, Siti Suwaibah teh masih nyepeng agama jahiliyyah, tapi saur
sapalih deui mah pernah iman sareng islam.
Kitu
saur Abu Abdillah Muhammad bin Mandah urang Asbahan.
Teras
Kangjeng Nabi saw, dirorok ku hiji istri anu anom keneh anu kiat, nyaeta Siti
Halimah As-Sa’diyyah, padahal kaom-kaom mah aralimeun nyusukeun sareng nitipkeun
putrana ka Siti Halimah teh, sabab jalmina fakir pisan.
Tapi,
dina siangna nyandak Kangjeng Nabi saw, sontenna jadi subur, seueur rizki, cai
susuna seueur pisan, katuhuna ku Kangjeng Nabi saw, kencana ku wargina.
Siti
Halimah janten beunghar pisan, onta-onta sareng dombana jadi lalintuh, sadaya
kakirangan jeung musibat jadi tebih ti anjeuna.
Sa’ad
nu jadi salakina mapaesan kahirupanana ku kabungah jeung kabagjaan.
--------------------------------------------
“Mugi gusti nyeungitan kana kuburan Kangjeng
Nabi saw. ku seuseungitan rohmat sareng salam”.
==========================
(8)___________________________
Kangjeng Nabi saw, unggal dintena nga-ageungan saperti
sabulan pikeun nu sejen, kalayan pitulung Alloh.
Tilu
sasih tiasa ngadeg, lima sasih tiasa mapah, salapan sasih kiat sasauran kalawan
bentes.
Yuswa
dua taun, disumpingan ku dua Malaikat, meulah kana dadana miceun darah hideung,
miceun darah anu sok ditempatan ku syetan, teras dikumbah ku cai Es. Eta dua
Malaikat ngalebe-keun hikmah kanabian sareng nambihan kaimanan, teras di kaput
deui bari di stempel kanabian.
Kangjeng
Nabi saw, ditimbang ku eta Malaikat, maka sabanding sareng sarebu ummat
pilihan.
Kangjeng
Nabi saw, nga-ageungan kalayan sampurna sifat-sifatna tikawit alit.
Siti
Halimah ngawangsulkeun deui Kangjeng Nabi saw, ka ibuna bari manahna teu
masihkeun, sabab sieun aya musibat deui anu keuna kana dirina.
Siti
Halimah pernah sumping ka Kangjeng Nabi saw, waktos nikah sareng Siti Khodijah,
ku Kangjeng Nabi saw, dibageakeun kalayan pang bagea anu sampurna.
Tos
perang ti Hunain oge, Siti Halimah nepangan deui Kangjeng Nabi saw, ku Kangjeng
Nabi saw, dibageakeun, disugemakeun.
Anjeuna
ngamparkeun solendangna anu mulya tina bakat ngamulyakeun ka Siti Halimah.
Saur
kaol soheh mah, waktos harita pisan Siti Halimah lebet Islam sareng carogena
sareng putra-putrana, oge sadaya keluargana. Aranjeuna kalebet rengrengan
shohabat.
Kitu
numutkeun para Rowi anu kapercanten.
---------------------------------------------
“Mugi gusti nyeungitan kana kuburan
Kangjeng Nabi saw. ku seuseungitan rohmat sareng salam”.
==========================
(9)___________________________
Opat
taun yuswa Kangjeng Nabi saw. Ibuna ngajak ka Madinah Al-Munawwaroh.
Ari
waktos mulih, Ibuna pupus di Abwa atanapi di Lembah Hujun caket ka Mekah.
Maka
Kangjeng Nabi saw, dicandak sareng dirorok ku Ummu Aiman, urang Habsyi
(Ethiophia). Anu ku Kangjeng Nabi saw, ditikahkeun ka Zaed bin Haritsah
peperdekaan Kangjeng Nabi saw.
Tos
lima dinten ku Ummu Aiman disanggakeun ka eyangna, nyaeta Abdul Mutholib, ku
Abdul Muttolib dirawu, dipangku, diluhurkeun martabatna.
Anjenna
nyaurkeun; Ieu pun anak mah istimewa pisan, maka mulya pisan jalma anu
ngagungkeun sareng anu ngamulyakeunnana.
Kangjeng
Nabi saw, mah ti nuju alit keneh tara wawartos lapar atanapi dahaga. Kadirina
ku anjeun ge tara (komo ka batur).
Kangjeng
Nabi saw, sering pisan angkat enjing-enjing ka sumur Zam-Zam, ngaleueut,
etang-etang tuang, dugi ka sawaregna.
Yuswa
dalapan taun, Eyangna nyaeta Abdul Mutholib pupus. Teras dirorok ku pamanna
nyaeta Abu Tholib, saibu sarama sareng sayyid Abdulloh.
Abu
Tholib ngurus Kangjeng Nabi saw, kalayan soson-soson, diaping, dijaring.
Tuangeun oge ngaheula-keun kanggo Kangjeng Nabi saw, sateuacan dirina sareng
kulawargina.
Barang
dugi yuswana kana 12 taun, ku Abu Tholib dicandak ka nagri Syam. Dijalan aya
pendeta Bahiro, anu kenaleun tina kitab-kitab kumpulanna tentang sifat
kanabian. Manehna sasauran; “ceuk kuring mah ieu teh calon dunungan sakabeh
alam, rek jadi utusan Alloh jeung jadi nabi, lantaran tatangkalan jeung batu
oge sarujud. Sedeng maranehna moal sarujud kajabi ka hiji Nabi anu seueur
elingna ka Alloh”. “Kuring manggih sifat-sifatna tina kitab samawi anu baheula
(Toret jeung Injil), jeung di antara dua walikatna aya Stempel kanabian anu
hurung pinuh cahaya”.
Anjeunna
miwarang ka Abi Tholib supados nyandak Kangjeng Nabi saw, mulih deui ka Mekah,
sabab sieun ku kaom-kaom Yahudi.
Maka
Abu Tholib mulih deui ka Mekah nyandak Kangjeng Nabi saw, teu ngalangkungan
kampung Basroh perbatasan nagri Syam.
---------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(10)__________________________
Barang yuswana dugi
kana 25 taun, Kangjeng Nabi saw, angkat ka Basroh, nyandak dagangan kagungan
Siti Khodijah jalmi pingitan.
Kangjeng
Nabi saw, disarengan ku bujang Siti Khodijah, nyaeta Maesaroh (hiji lalaki) anu
ngaladen sareng nyayogikeun kaperyogian
Kangjeng Nabi saw.
Kangjeng
Nabi liren dina handapeun hiji tangkal caket Gereja Pendeta Nasrani anu ngaran
Nasturo.
Pendeta
Nasturo terangeun ka Kangjeng Nabi saw, sabab iuh-iuh eta tangkal sampurna
pisan mayungan Kangjeng Nabi saw.
Anjenna
sasauran; “Moal aya sama sakali anu ngiuhan handapeun ieu tangkal kajaba hiji
nabi anu ngagaduhan sifat-sifat anu sae, jeung anjeunna pasti Rosululloh anu
dipasihan kahususan ku pirang-pirang kautamaan sareng kani'-matan”. Lajeng
Pendeta Nasturo nyarios ka Maesaroh: “Naha ari dina soca Kangjeng Nabi aya
beubeureum anu jadi ciri samar-samar”?.
Maesaroh
ngawaler; “Muhun”.
Maka
jadi kayakinan ka Nasturo yen sangkaan dirina teh bener pisan, tuluy pesen ka
Maesaroh; “Anjeun ulah ninggalkeun Kangjeng Nabi sarta kudu babarengan
salawasna, kalawan sing hade niat. Lantaran Anjeuna teh jalmi anu dimulyakeun
ku Alloh ku diangkat jadi Nabi jeung
dijadikeun jalma pilihan”.
Lajeng
Kangjeng Nabi saw, mulih ka Mekah. Ari Siti Khodijah sareng istri-istri anu
sanes ngawaskeun di loteng bumina, katingal aya dua malaikat di luhureun mastaka
Kangjeng Nabi saw, anu mulya, ngaiuhan tina panasna panonpoe.
Maesaroh
ngawartoskeun ka Siti Khodijah kana sagala rupi kajadian diperjalanan, oge kana
kasauran pendeta sareng titipan anu mangrupi wasiat.
Dina
eta perdagangan Alloh ngalipet-lipet batina anu seueur pisan. Maka jelas ka
Siti Khodijah, naon perkara anu katingal sareng anu kadangu ti Maesaroh yen Kangjeng Nabi saw, teh calon
Rosululloh pikeun sakabeh ummat.
Teras
Siti Khodijah ngalamar ka Kangjeng Nabi saw, kanggo pribadina, supados tiasa
ngaraosan iman ka anjeunna anu seungit tur nyegerkeun.
Nya
Kangjeng Nabi saw, wawartos ka paman-pamanna kana pangajakna ieu hiji istri anu
sae pisan sareng tukang to'at.
Atuh
paman-pamana raresepeun pisan ka Siti
Khodijah teh, sabab gaduh kadudukan, agamana kiat, geulis, beunghar, gaduh
komara, turunan sae. Sadaya kaom oge paralayeun ka Siti Khodijah teh.
Teras
Abi Tholib narosan ka Siti Khodijah bari muji-muji Kangjeng Nabi saw, tapi
biasa muji heula ka Alloh ku pujian-pujian anu sarae. Abu Tholib nyaurkeun;
“Demi Alloh saba'da kajadian ieu (pernikahan) pikeun Muhammad pasti aya berita
anu langkung ageung anu dipuji kusadayana”.
Nya
teras Kangjeng Nabi saw, ditikahkeun ka Siti Khodijah ku ramana, ceuk sapalih
ku pamanna, ceuk sapalih ku rakana Siti Khodijah.
Ieu
kabagjaan anjeunna anu bakal langgeng. Malih sadayana putra Kangjeng Nabi saw,
eta ti Siti Khodijah, kajabi anu jenengan Ibrohim Al-Kholil.
---------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(11)__________________________
Dina
yuswa Kangjeng Nabi saw, 35 taun, urang Quraisy ngadegkeun Ka’bah, sabab runtuh
kacandak banjir anu ngamuara ka Ka’bah.
Urang
Quraisy pacekcokan dina masalah masang Hajar Aswad. Satiap qobilah pada
harayang nempatkeun Hajar Aswad dina asalna.
Omongan
jadi rame, malah nepika sarumpah rek nepika peperangan. Perpecahan kelomok
kelompok geus karuat. Tapi teras sepakat kana ngalaksanakeun kaadilan. Maka
masrahkeun kaputusan kahiji jalmi anu pinter, nu bijaksana, anu tara
gurunggusuh dina pamikiranna (nyaeta ceuk hiji qil mah “Al-Makhzumi”). Manehna
mere hukum ka sing saha jalma anu pangheulana asup ka Baitulloh tina lawang
paragi Kuncen Ka’bah Bani Syaibah. Ari pek teh Kangjeng Nabi saw, anu
pangpayunna lebet ti dinya. Maka sarerea ngaromong : “Ieu pisan Al-Amin anu
bisa dipercaya kusarerea, urang sarerea bisa ngawakilkeun kamanehna, urang
sarerea nampa jeung ridlo”.
Nya
sarerea ngawartoskeun ka Kangjeng Nabi saw, yen sarerea bakal ridlo jeung nampa
lamun Kangjeng Nabi saw, anu ngahukuman dina ieu pacengkadan.
Lajeng
Kangjeng Nabi saw, nyimpen eta Hajar Aswad dina sorabanna, teras miwarang ka
sadaya qobilah kanggo ngangkat eta sorban kana tempat eta batu.
Regeyeng
sarerea nyarekel juru sorban diangkat kana tempatna lebah juru bangunan ka’bah.
(Anu ngangkat teh 1.Uthbah bin Robi ’ah, 2.Zam’ah, 3.Abu Hudzaifah bin
Mughiroh, 4.Qois bin ‘Adi).
Kangjeng
Nabi saw, nyimpen eta batu ku pananganna anu mulya dina tempat nu ayeuna,
tegesna Ka’bah anu ayeuna.
---------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(12)___________________________
Dian
yuswa Kangjeng Nabi saw, sampurna 40 taun, numutkeun kaol anu lewih pantes jeng
ahli sejarah. Alloh ngutus anjeunna ka sakabeh alam, supaya jadi Basyiron, nu
mere pika bungaheun ku surga jang anu iman, jeung jadi Nadziron, nu mere beja
pika sieuneun ku naraka pikeun jalma anu kafir. Maka sakabehna kabagean rohmat
Kangjeng Nabi saw.
Dikawitan
jadi utusanana dugi ka genep sasih mah ku ngimpen anu bener jeung jelas.
Dina
impenanana katingal jiga cahaya waktu subuh anu nyaangan jagat.
Pangna
dikawitan ku ngimpen, supaya kalatih kakuatan kama-nusaanana dimana sumping
Malaikat bari nyandak tugas kanabian.
Anjeunna
resep nyepen (nyumput sorangan) nyaeta ibadah di Guha Hiro sababaraha wengi.
Dugi ka sumping ka anjeunna Wahyu anu Hak ngalangkungan Jibril. Harita teh
dinten senen, langkung ti tanggal 17 bulan Romadlon bulan Lailatul Qodar.
Aya
sababaraha kaol, cenah tanggal 27, atawa tanggal 24 Romadlon, cenah deui
tanggal 8 bulan Maulid bulan lahirna Kangjeng Nabi saw.
Malaikat
Jibril sasauran: ”Baca!”. Kangjeng Nabi nolak:”abdi mah teu tiasa”. Malaikat
Jibril nyekek satarikna, teras nyarios deui: ”Baca!”. Kangjeng Nabi saw, nolak
deui, Malaikat Jibril nyekek deui kadua kalina dugi ka Kangjeng Nabi saw,
ngaraos repot jeung sesek. Malaikat Jibril sasauran deui : ”Baca!” dugika di
cekek deui ka tilu kalina, supados Kangjeng Nabi saw, mayunan kana naon anu di
dugikeun ku Malaikat Jibril. Mayunan bari leres-leres tur tangginas, dugi ka
ngartos kana eusina.
Pleng
weh teu aya deui wahyu teh salami 3 taun atanapi 30 bulan, ngahaja, supados
ngaraos kangen kana seungitna Malaikat Jibril nu nyandak wahyu ti Alloh.
Teras
turun surat Al-Muddatsir. Teras Malaikat Jibril sumping ka Kangjeng Nabi saw,
nyandak eta surat bari ngagugahkeun.
Maka
kanabian Kangjeng Nabi saw, dikawitan ku turunna IQRO, anu jadi saksi yen ieu
surat nu pang heulana turun jeung anu pang heulana jadi saksi diangkatna
rosulna, ku ayana ayat-ayat pikabungaheun jeung pika sieuneun pikeun anu di
da’wahan ku Kangjeng Nabi saw.
----------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(13)___________________________
Ari
ibadah Kangjeng Nabi Muhammad saw, Sareng para sahabatna masih keneh susulum-
putan, dugi ka lungsur ayat dawuh Alloh : “Temrakkeun naon anu di parentahkeun
ku Alloh”. Teras Kangjeng Nabi saw, terang-terangan ngajak sakabeh manusa
kanggo nyembah Alloh.
Tapi
kaom-kaom teu daek nya-rembah Alloh, dugika Kangjeng Nabi saw, nyacad patekong
pa-nyembahan maranehanana. Oge miwarang ninggalkeun nu salian Alloh nu
wahdaniyyat.
Kaom-kaom
kalahka warani ngalawan malah nganyenyeri ka Kangjeng Nabi saw.
Tos
kacida teuing ka nyenyerianana muslimin, maka teras seueuer nu hijrah dian taun
ka lima ka daerah Najasyi (Ethiophia).
Paman
Kangjeng Nabi saw. Abi Tholib, karunyaeun sareng ngajaga ka Kangjeng Nabi saw,
maka kafir Quraisy sarieuneun.
Dina
eta taun, Alloh ngawajib keun ka Kangjeng Nabi saw, supaya solat peuting, tapi
teras di nasakh di gentos deui parentahna. Yen “Peuting mah cukup maca
Al-Qur’an wae, mun daek pek sarolat”.
Oge
dina taun ieu difardukeun sholat dua rokaat isuk-isuk, dua rokaat sore-sore,
tapi eta oge di nasakh deui, ku diwajibkeun solat lima waktu, dina waktu Isro.
Abu
Tholib pupus dina pertenga han bulan Syawal, 10 taun ba’da diangkat jadi Nabi.
maka mushibat ngaageungan deui, tilu dinten ti harita Siti Khodijah pupus. Maka
balai ka muslimin beuki parah. Urang Quraisy langsung nganyenyeri ka Kangjeng
Nabi saw.
Kangjeng
Nabi saw, teras nga-maksad hijrah ka Thoif, bari da’wah ka golongan Tsaqif,
tapi teu hade panarimaan jeung susuguhna.
Malah
maranehna ngahucuhkeun jalma-jalma awam jeung abid-abid pikeun nyarekan
Kangjeng Nabi saw, ku basa-basa nu goreng pisan. Tuluy maledogan ku batu dugi
ka sampeanna lamokot ku getih.
Lajeng
Kangjeng Nabi saw, mulih deui ka Mekah kalayan nandangan kasedih. Teras aya
Malaikat penjaga Gunung nawisan pikeun ngancur-keun urang Toif anu geus sepakat
rek nga-bunuh Kangjeng Nabi saw.
Dawuh
Kangjeng Nabi saw; “kuring masih boga harepan, mudah-mudahan Alloh ngaluar keun
bibit-bibit, anak turunan maranehna jadi tukang ibadah ka Alloh SWT.
--------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(14)__________________________
Lajeng
Kangjeng Nabi Muhammad saw, Ruh sareng jasadna di isrokeun ku Alloh swt, ka
masjid Al-Aqsho anu katelah Al-Quds.
Teras di taek-keun ka langit.
Di
langit kahiji Anjeuna ningal Nabi Adam as, anu dimulyakeun sareng diluhurkeun
darajatna ku Alloh swt.
Di
langit kadua pendak sareng Nabi Isa as, putra Siti Maryam anu masih suci tur
dibersihkeun ku Alloh, didinya aya putra bibina nyaeta Nabi Yahya as, anu
dipasihan elmu ku Alloh ti alit keneh.
Di
langit katilu pendak sareng Nabi Yusuf as, anu rupina kasep pisan.
Di
langit kaopat pendak sareng Nabi Idris as, anu ku Alloh diluhurkeun tempatna.
Di
langit kalima pendak sareng Nabi Harun as, anu banget mikaresep ka ummatna
bangsa Isroiliyyah.
Di
langit ka genep pendak sareng Nabi Musa as, anu dicariosan langsung ku Alloh
sareng disalametkeun.
Di
langit ka tujuh pendak sareng Nabi Ibrohim as, anu sumping ka Alloh kalayan
nyandak manah anu pasrah sumerah, oge dijaga sareng di salametkeun tina durukan
Raja Namrud.
Lajeng
Kangjeng Nabi Muham-mad saw, naek ka Sidrotil Muntaha dugi ka nguping geretna
Kalam di Loh Mahfudh, nyerat keun perkara-perkara anu di pas-tikeun ku Alloh,
dugi ka makom anu tertutup, anu anjeuna caket pisan sareng Alloh Ta’ala. Alloh
ngaleungitkeun hahalang cahaya anu mulya dugi ka Kangjeng Nabi Muhammad saw,
tiasa ningal ka Alloh ku soca anjeuna kalayan jelas.
Alloh
masihan kalaluasaan ka Kangjeng Nabi saw, kanggo cumarios sareng Dzat Alloh.
Lajeng
Alloh masihan kawajiban kanggo ummatna 50 kali solat. Tapi Alloh ngocorkeun
nugraha na dugi ka dikirangan jadi 5 kali solat sapoe sapeuting. Tapi
ganja-rannana tetep sami sareng nu 50 kali solat, sapertos kersaning Alloh ti
Azalina.
Teras
Anjeuna mulih deui dina wengi eta keneh, ka Masjidil harom Mekah, anu langsung
dipercanten jeung dibenerkeun ku Abu Bakar As-Siddiq, oge ku jalmi-jalmi anu
palinter sareng ahli riwayat.
Tapi
urang Quraisy mah nga-bohongkeun, malah
jalma-jalma anu disasarkeun ku syetan mah jadi
murtad.
--------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(15)__________________________
Kangjeng
Rosululloh nampilkeun pribadina sebagai Rosululloh di payuneun kabilah-kabilah
dina musim haji.
Maka
aya genep urang Anshor anu langsung iman harita, anu ku Alloh dipasihan
karidoan husus.
Dina
taun enjingna aya 12 urang ti kabilah eta keneh munggah haji deui, lajeng
sadayana be’at atanapi janji satia kanggo iman ka Kangjeng Nabi saw.
Aranjeuna
anu 12 urang tea, saba’dana marulih ka Madinah, teras nyebarkeun Islam di
Madinah. Kota anu janten panyalindungan sareng padumu- kan Kangjeng Nabi saw,
saterasna.
Dina
taun katiluna sarumping deui 70 urang, atawa 75 urang, atawa 73 urang tambih
istri duaan ti golongan Aos sareng Khozroj. Sadayana be’at ka Kangjeng Nabi
saw. Teras diangkat 12 urang pilihan pikeun jadi pimpinanana.
Lajeng
Kangjeng Nabi saw, hijrah ninggalkeun Mekah nu jadi mimiti gelarna agama Islam.
Sadaya
para sahabat ngantunkeun kota Mekah, sabab resep kana janji Alloh ka jalma anu
ngajauhan kakufuran.
Urang
Quresy ngarasa sieun, lamun Kangjeng Nabi saw, ngiring hijrah ka Madinah sareng
para Sahabatna. Maranehna musyawarah pikeun ngabunuh Kangjeng Nabi saw, tapi
Alloh ngajaga jeung nyalametkeun tina tipu daya maranehna.
Kangjeng
Nabi Muhmmad saw, diwidian ku Alloh kanggo hijrah.
Musyrikin
ngarintip bumi Kangjeng Nabi saw, supaya bisa arasup tuluy rek maraehan. Tapi
Kangjeng Nabi saw, kaluar ti bumi bari ngawurkeun keusik kana sirah maranehna,
tuluy teu narempoeun.
Teras
Kangjeng Nabi saw, ngabujeng Guha Tsur disarengan ku Abu Bakar Siddik anu
bagja. Didinya calik tilu dinten, dijaga ku japati jeung ku lancah.
Dina
wengi senen aranjeuna kaluar ti guha bari disampakkeun Onta anu sae kanggo
tunggangna.
Suroqoh
ngudag ka Kangjeng Nabi saw, tapi Anjeuna ngadu’a ka Alloh kalayan ikhlas. Maka
Kuda Suroqoh ngajungkel, ti suksruk kana keusik sababaraha kali, teras manehna
nyuhunkeun hapunten ka Kang-jeng Nabi saw, nya ku Nabi di leupaskeun sareng di
du’akeun sina asup Islam.
--------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(16)__________________________
Kangjeng
Rosululloh ngalangkung ka Bumi Ummu Ma’bad dilembur Quded. Manetnna ngamaksad
bade meser daging atanapi susu ti Ummi Ma’bad Al Khozaiyyah.
Tapi
dikemahna kosong teu aya nanaon, tapi Kangjeng Rosul ningal domba nu gering nu
tara diangon.
Kangjeng
Rosul nyuhunkeun widi ka Ummi Ma’bad kanggo meres eta domba. Saur Ummi Ma’bad
mangga teh teuing da mun ayaan mah ku abdi oge diperes. Kangjeng Nabi ngusap
susu domba bari ngadu’a ka Alloh nu ngagaduhanana. Ujug-ujug ju’uh ku cisusu,
teras diperes, teras dipasihkeun ka kaom-kaom sadayana dugika wareg. Malah
diperes deui kanggo minuhan wadah-wadah sadayana nu aya di dinya.
Kangjeng
Nabi saw, teras ngantun keun eta domba nu masih juuh, mangrupi mu’jizat nu jelas pisan.
Teu
lami Abu Ma’bad sumping ka bumina, ningal cisusu pinuh dina wadahna. Anjeunna
kaget pisan teras sasauran ka istrina; “timana ieu teh?, kapan teu aya domba
anu keur nyusuan?” saur Ummi Ma’bad; ”tadi aya hiji lalaki ngalangkung ka dieu
bari seueuer pisan barokahna, jalmina dedeganana jiga kitu, sifatna jiga kitu.
Saur
Abu Ma’bad: ”Demi Alloh, eta teh nu gaduh Quraisy. Kuring mah wani sumpah,
lamun tadi panggih mah wani iman ka Anjeunna jeung rek nuturkeun moal pisah
deui.
Kangjeng
Rosululloh saw sumping ka Madinah dinten senen tanggal 12 Robi’ul Awwal, bari
udarana cerah tur bersih.
Urang
Ansor pada nyambut ka Kangjeng Nabi kalayan meriah.
Kangjeng
Nabi saw, lungsur heula di Quba teras
ngabangun masjid didinya nu dicawiskeun pikeun takwa.
--------------------------------------------
“Mugi gusti nyeungitan kana kuburan Kangjeng Nabi
saw. ku seuseungitan rohmat sareng salam”.
==========================
(17)__________________________
Kangjeng
Nabi Muhammad saw. Eta pang sampurnana jalmi, dina bentuk salirana sareng dina
budi pekertina. Salira sareng sifat-sifatna sarae pisan.
Dedegna
meujeuhna, warna kulitna bodas semu beureum, socana cureuleuk jiga kenging
nyipatan. Bulu halisna gomplok panjang dugi kana juru soca.
Waosna
beres, cangkemna lebar tapi sae, taarna jamentrangan hurung herang jiga
kacaangan bulan. Damisna rata, pangam-bungna mancung kalawan nga- bentuk anu
pantes. Taktakna lebar naraje emas. Dampal tampahna lebar, tulang-tulangna
arageung, ari daging keuneungna alit, janggotna gomplok, mastaka na ageung,
rambutna dugi kana cepilna.
Diantara
dua walikatna aya cap kanabian anu bersinar ka sadaya salirana.
Kesangna
herang bersih jiga mutiara, seungit langkung-langkung ti minyak seungit.
Angkatna
pantes jiga nu turun tina tempat luhur.
Anjeunna
sok sasalaman ku panangan anjeunna anu mulya, hingga anu sasalaman jadi seungit
sadidinten kalayan seungit minyak Abhari.
Kangjeng
Nabi saw, sok nyepeng mastaka murangkalih, ku di cepengna jadi beda seungitna
jeung budak sejen.
Pameunteuna
marahmay, caang jiga caang bulan tanggal 14.
Saur
anu nyarioskeun sifat-sifat Kangjeng Nabi saw.; “teu pernah ningal memehna
atawa ba’dana, aya hiji jalmi anu sampurna jiga Kangjeng Nabi saw”.
--------------------------------------------
“Mugi gusti nyeungitan kana kuburan
Kangjeng Nabi saw. ku seuseungitan rohmat sareng salam”.
==========================
(18)
_________________________
Kangjeng
Nabi Muhammad saw, eta anu ageung pisan kaisin (dina hartos tara ngalakukeun
kaaeban) oge banget handap asor (tara adigung). Ngesol sendal ku nyalira, malih
sok ngaputan acuk anu soeh, meres susu domba, ngawulaan istrina ku Anjeun, ku padamelan anu sae.
Kangjeng
Nabi saw, mika cinta ka jalmi-jalmi anu falaqir jeung anu mariskin.
Calik
riung mungpulung sareng aranjeuna. ngalongokan nu teu daramangna, ngiring
ngurus mayit aranjeuna, oge tara ngahina keun ku pedah faqir taya kaboga.
Kangjeng
Nabi saw, sok nampi ka jalmi anu sasadu nyuhunkeun hapunten. Tara mayunan batur
bari ku beungeut keuheul. Osok angkat-angkatan sareng para randa (dina hartos
nulungan kabutuh maranehna). Oge sareng para hamba sahaya.
Kangjeng
Nabi saw, teu sieun ku para raja anu garalak. Anjeuna bendu karena Alloh, ridlo
oge karena Alloh.
Kangjeng
Nabi saw, sok angkat di pengkereun para sahabatna, saurna teh; ”Keun!
kosongkeun tukangeun kami mah, keur para Malaikat anu marilu”.
Kangjeng
Nabi saw osok tunggang onta, tunggang kuda, bighol, himar hadiah para
raja-raja.
Kangjeng
Nabi saw, sok ngaganjel patuanganana ku batu tina nahan lapar, padahal
konci-konci gudang ieu bumi tos dipasihkeun ka anjeuna. Malah gunung pernah
nawisan supaya jadi emas, tapi Kangjeng Nabi saw, nolak.
Sareng
ari Kangjeng Nabi saw, mah tara seueur heureuy, dimana pependak jeung batur sok
pang payunna uluk salam.
Anjeuna
mah dimana solat sok lami tapi upami khutbah jum’ah sok sakedap.
Kangjeng
Nabi saw, osok ngareresep (ngadorong kana ka saean) ka tokoh-tokoh masyara kat,
osok ngamulyakeun anu sarae akhlakna, sok heureuy sareng sadaya jalmi, tapi
tara sasauran kajaba leres jeung nyata, anu pasti diganjar sareng di pika ridlo
ku Alloh SWT.
Dugi
kadieu bakal liren caritaan anu hade ieu, jiga kuda nu tos balap lumpat tina
jalan anu beda-beda, hartosna babaran ieu tamat bari kening nyutat tina sababa
raha kitab anu seueur pisan.
Dugi
kadieu tulisan kuring dina penjelasan sejarah Rosululloh SAW. Tamat.
---------------------------------------------
“Mugi gusti nyeungitan kana kuburan
Kangjeng Nabi saw. ku seuseungitan rohmat sareng salam”.
==========================
(Du’a)._______________________
He
Dzat anu tukang meberkeun dua kakawasaan pikeun masihan rizki kana Ruh jeung Jasad.
He
Dzat anu dimana diangkat leungeun-leungeun abdi ka gusti, pasti dipasihan.
He
Dzat anu maha bersih dina Dzat sareng Sifatna, anu sahiji moal aya anu
nyarengan ka Anjeuna, sareng moal aya anu nyarupaan.
He
Dzat anu nyalira teu aya mimitina teu aya tungtungna ti azalina.
He
Dzat anu teu aya deui pangharepan kajabi ka gusti, sareng moal aya anu di
suhun-keun tulung anging Gusti.
He
Dzat anu para makhluk kabeh naraleukeum kana qudrotna anu langgeng. Sareng anu
nuduhkeun ku kurniana ka jalma anu marenta pituduh.
Abdi
sadaya nyuhunkeun ka gusti kahadean cahaya gusti anu murni. Anu ngaleungitkeun
popoek kamangmangan nu ngahalangan.
Abdi
tawassul ka Gusti ku agung na salira Kangjeng Nabi Muhammad saw, jalmi anu jadi
pang akhirna nabi, tapi pang utamana sareng pang saena.
Oge
abdi tawasul ku kulawargi anjeuna anu caang baranang jiga bentang anu tiasa
ngimankeun sakabeh makhluk. Nu jadi parahu anu nyalametkeun tina panca bahaya.
Oge
abdi tawasul deui, ku para sahabatna anu jadi pituduh kana jalan anu bener, anu
ngagadekeun dirina ka Alloh, nu haroyong nugraha ti Alloh.
Abdi
oge tawasul ku para Ulama nu nyarandak syare’at Kangjeng Nabi saw. Aranjeuna
anu garaduh damel, anu kenging kahususan, anu di bingahkeun ku ni’mat sareng
kurnia Alloh.
Mugi
Gusti masihan pitulung ka abdi sadaya, sing tiasa ikhlas, boh dina ucapan
atanapi padamelan, mugi Gusti nyumponan panga-butuh ieu anu haladir, sagala
rupi kahoyongna sareng cita-citana.
Mugi
Gusti nyalametkeun ka abdi tina belenggu syahwat jeung panyakit-panyakit hate.
Mugi
Gusti nganyatakeun kana cita-cita abdi sadaya, sakumaha sangkaan abdi sadaya ka
Gusti.
Mugi
Gusti ngahalang ka abdi sadaya tina sakur popoek ati jeung sakur balai.
Mugi
Gusti ulah ngajadikeun ka abdi sadaya ti antawis jalmi anu sok ngalajur nafsu.
Mugi
Gusti ngadeukeutkeun ka abdi sadaya kana hade kayakinan bari gampil dipetikna.
Mugi
Gusti ngahampura kana dosa anu tos dilakukeun ku abdi sadaya.
Mugi
Gusti nutupan ka abdi sadaya tina kaaeban, kaapesan, kaheureutan sareng
kabingungan.
Mugi
Gusti ngagampilkeun ka abdi sadaya kana tiasa amal soleh anu jadi puncak
kahesean.
Mugi
Gusti ngawalatrakeun kana kukumpulan abdi sadaya ayeuna sing janten gudang
pamasihan Gusti anu luhur, kalayan kanyaah sareng pangampura Gusti.
Mugi
Gusti ngalanggengkeun ka abdi sadaya janten jalmi anu teu butuh ka salian
Gusti.
Nun
Gusti! Gusti tos nempatkeun ka jalma tukang menta dina tempat anu istimewa,
Gusti oge parantos nyayogikeun pikeun jalmi anu gaduh kahoyong kana naon anu
dipikahoyong sareng anu dipikapalayna.
Gusti!,
ayeuna abdi nyuhunkeun sagala rupi anu dipika hoyong ku abdi bari digampilkeun
sareng dibabarikeun.
Gusti!
pasihkeun ayeuna ka abdi sagala rupi anu dipiharep ku abdi.
Nun
Gust! salametkeun abdi sadaya tina pancabaya, solehkeun para pamimpin abdi
sareng rakyatna.
Pasihan
ganjaran anu ageung ka jalmi anu gaduh maksad, anu nga- damel ieu kasaean dina
dinten ieu.
Nun
Gusti! jadikeun ieu nagara sareng sadaya nagara Islam janten nagara anu aman
tur mapan.
Gusti!,
turunkeun hujan ka abdi sadaya anu walatra ka sadaya daerah, di gunung, di
lebak.
Mugi
Gusti ngahapunten kanu nyusun ieu sejarah Kangjeng Nabi Muhammad saw, nyaeta
Imam Ja’far Al-Barzanji tea, anu katelah tina nagrina.
Pasihkeun
ka anjeuna kabagjaan dicaket Gusti, oge pasihkeun sagala kapalayna. Tempatkeun sareng
jalmi-jalmi ahli taqorrub ka Gusti. Mugi Gusti nutupan kaaebannana,
kalemahanana sareng kabingungna. Oge sing walatra ka sadaya anu nyeratkeun ieu kitab, anu maca, anu nguping keun sareng
nu ngabandungana.
Rohmat
saeng kasalametan mugi tetep ka Kangjeng Nabi Muhammad saw, nu ngawitan nampi
kan hakekat sagala rupi perkara kalawan jelas. Oge ka kulawargina, ka sohabat
sareng ka jalmi-jalmi nu nulungan Anjeu na sareng anu ngamulyakeun ka Anjeuna.
Salagi aya keneh cepil-cepil anu kersa di papaesan ku ngupingkeun
sifatan-sifatan Kang jeng Nabi saw, anu lir anting-anting dina cepil anu pinuh
ku mutiara. Sareng salagi aya keneh riungan-riungan anu sarae anu macakeun ieu
sejarah anu saperti buleudan kongkorong.
Pang
afdolna rahmat sareng pang utamana salam mugi tetep ka Kangjeng Nabi Muhammad
saw, nu jadi panutup para Nabi sareng Utusan, oge kakulawargi sareng sohabat
sadayana.
Maha
Suci Dzat Alloh pangeran anjeun, pangeran anu mulya, anu bersih tina
sifatan-sifatan jalma anu musyrik. Sareng mugi tetep kasalametan ka sadaya
utusan. Oge Sagala puji kagungan Alloh.
SHOLAWAT
NABI
DIBACA BARI NGADEG
Ya Nabi
salam ka Anjeun
Ya Rosul salam ka Anjeun
Ya Habib salam ka Anjeun
Sholawat
tetep ka Anjeun
Medalna
Nabi lir Bulan
Nu sejen na ka tutupan
Gindingna taya tandingan
Pangwuwuhna kabingahan
Lir Panonpoe lir Bulan
Lir Cahya luhureun cahya
Lir Mutiara nu mahal
Lir Lampu nyaangan hate
He kakasih he Muhammad
Panganten di dua tempat
He nu kuat he Muhammad
He Imam na dua Qiblat
Bagja nu ningal rarayna
Nu mulya
Ibu Ramana
Talaga
Anjeun tiisna
Cai
di poe Qiyamat
Teu ningal Onta disada
Bungah
kajabi ku Gusti
Mega mayungan ka Gusti
Manusa maca sholawat
Kakayon sumpingna
ceurik
Rasa hina payun
Gu s t i
Kai condong Y
a Habibi
Di Gusti mencek
arindit
Kaom
nalian momotan
Karempel
bade barudal
Abdi dongkap bari ceurik
Ceuk kuring engke antosan
Naha anjeun mawa surat
He anu kasengsrem pisan
Kadieu geura nyarimpang
Isuk - isuk pasosonten
Unggal jalmi ngamaraksad
Ka Anjeun jalmi nu mulya
Sadaya
garaduh maksad
Kasengsrem haroyong tepang
Gusti
k a l e b e t manusa
Mung benten ti nu
biasa
Anjeun
panutup utusan
Ka Alloh banget syukuran
Abdi nu miskin miharep
Kurnia seueur hampura
Abdi tos hade sangkaan
Ka Gusti nu ngabungahkeun
Tulungan abdi jagaan
Jait
ti Naraka Sa’ir
Tulungan sareng bagjakeun
Dina
sagala urusan
Bagja jalmi nu
patepang
Keur bingung ge
jadi lenglang
Gusti lir Bulan
nyaangan
Gaduh sifat kagindingan
Teu aya nu langkung bersih
Lian
Gusti Aki Husen
Rohmat
Alloh ka salira
Teu pegat sapanjang taun.
He nu ngurus kahadean
He
anu luhur darajat
Mugi
ngifaratan dosa
Hapunten abdi nu lepat
Gusti seueur hampurana
Mupus
dosa kalepatan
Tukang nutup kagorengan
Hapunten
nu ti soledat
Gusti
uninga nu samar
Ngijabah
sakabeh du’a
Gusti sing nyaah ka abdi
Sadaya
jadi maslahat
ConversionConversion EmoticonEmoticon